كتبت: منى عوض

هنستعرض في الريفيو مواصفات موبايل Oppo F5، وهنتعرف أكتر على مميزاته وعيوبه، ولو عجبك وعايز تشتريه تقدر تعرف أحسن سعر ليه وكمان تقدر تطلبه من خلال موقع ياقوطة وهيوصل لحد عندك في أسرع وقت.

المواصفات

وصف الموبايل

• الجهة الأمامية من الموبايل هنلاقي الشاشة وأعلاها سماعه المكالمات والكاميرا الأمامية ولمبة الإشعارات LED.
• الجهة الخلفية فيها الكاميرا الخلفية وفلاش LED ومستشعر بصمة الإصبع وشعار شركة OPPO في نص ضهر الموبايل.
• الجهة اليمنى للموبايل فيها زرار الباور المخصص للتحكم في تشغيل وقفل الموبايل، ومنفذ إدخال شريحتي الاتصال والميموري الخارجي.
• الجهة اليسرى للموبايل فيها أزرار التحكم في مستوى الصوت.
• الجهة السلفية للموبايل هتلاقي فيها منفذ الـ USB ومدخل السماعات الخارجية 3.5 ملم وسماعة الموبايل الخارجية والميكرفون الإضافي المانع للضجيج.

التصميم

المميزات

• هيكل الموبايل معدني مصنوع من البولي كربونايت.
• أبعاد الموبايل: الطول 156.5 ملليمتر والعرض 76 ملليمتر والسمك 7.5 ملليمتر.
• وزن الموبايل خفيف 152 جرام.
• لمبة إشعارات LED.
• مزود بميكروفون إضافي عازل للضوضاء والتشويش.
• مزود بمستشعر لبصمة الأصابع في الجهة الخلفية للموبايل.

العيوب

• سمك الموبايل كبير إلى حد ما.
• لمبة الإشعارات مش بتنور غير بلون واحد بس وبيظهر في حالة وجود إشعارات واتساب أو فيسبوك بس.

تجربة المستخدم

• الموبايل بيتميز بتصميمة الأنيق اللي بيشبه تصميمات هواتف iPhone إلى حد كبير، فحواف الموبايل منحنية من البولي كربونايت ذو الجودة العالية عشان يوفرلك حماية أعلى ضد الخدوش وسلاسة في الاستخدام وتلائم في الأيد.

الشاشة

المميزات

• شاشة الموبايل LTPS IPS LCD بحجم 6 بوصة ودرجة وضوح عالية Full HD بدقة 1080 × 2160 بكسل وكثافة بكسلات 402 نقطة لكل بوصة، وكمان بتيجي بالأبعاد الجديدة 18 : 9.
• مزودة بطبقة حماية إضافية من النوع Corning Gorilla Glass 5 ضد التعرض للكسر أو الخدش.
• بتدعم اللمس المتعدد.

العيوب

• لا يوجد.

تجربة المستخدم

• أداء الشاشة كويس جدًا فهي بتتميز بسطوعها ودقة ألوانها الجيدة وزوايا رؤيتها المناسبة في مختلف ظروف الإضاءه، أما حجم الشاشة فهو مناسب جدًا لمشاهدة الأفلام والقراءة ولعب الألعاب.

الأداء

المميزات

• الجهاز بيشتغل بنظام تشغيل الأندرويد نوجا ومزود ببروسيسور ثماني النواه من النوع Mediatek MT6763T Helio P23 بسرعة 2.5 جيجاهيرتز Cortex A53 مع معالج رسومي من نوع Mali‎-G71 MP2.
• الجهاز بيتوفر بنسختين واحدة منهم برامات 4 جيجابايت وذاكرة داخلية 32 جيجابايت، أما النسخة التانية فالرامات بتاعتها 6 جيجابايت والذاكرة الداخلية 64 جيجابايت، وممكن نزود السعة التخزينية الداخلية من خلال إضافة كارت ميموري سعته بتوصل لحد 256 جيجابايت.
• من الممكن فتح الجهاز بطريقتين، الطريقة الأولى عن طريق مستشعر بصمة الإصبع اللي سجل أداء سريع جدًا فهو بيفتح في جزء من الثانية، أما الطريقة الثانية وهي فتح الجهاز ببصمة الوجه Face unlock السريعة جدًا.
• بيدعم تقنية الـ OTG اللي بتقدر تشغلك فلاش ميموري على الموبايل.
• نظام تحديد المواقع GPRS و GPS و EDGE.
• مستشعرات عديدة زي مستشعر مقياس التسارع والتقارب والبوصلة والجيرسكوب ومستشعر بصمة الإصبع.
• بيدعم الاتصال من خلال البلوتوث إصدار 4.1 مع A2DP وLE، وكمان من خلال الـ Wi-Fi ومنفذ USB 2.0.
• بيدعم تشغيل شريحتين اتصال وميموري خارجي في نفس الوقت.
• شريحتين الاتصال واحدة منهم بتدعم شبكات الجيل الرابع والتانية بتدعم شبكات الجيل الثالث، والأتنين بيقدروا يشغلوا شبكات الإنترنت.

العيوب

• مش بيدعم تقنية الـ NFC اللي بتساعد في تبادل البيانات في نطاق ضيق جدا.
• مش بيدعم الـ Java.
• مفيهوش راديو FM.

تجربة المستخدم

• أداء الموبايل ممتاز في الاستخدام المتوسط والكثيف وعملي في التنقل بين التطبيقات أو تصفح شبكة الإنترنت أو استخدام أكتر من تطبيق في نفس الوقت وكمان بيقدر يشغل الألعاب المختلفة من غير ما تعاني من تهنيج أو بطيء ملحوظ أثناء الاستخدام، وده بفضل المعالج القوي والرامات والسوفت وير بتاع الموبايل.
• الموبايل هيسمحلك بإنشاء أكتر من حساب لبرامج التواصل الاجتماعي زي الواتساب والفيسبوك.

الكاميرا

المميزات

• الكاميرا الخلفية بتيجي بدقة 16 ميجابكسل مع فتحة عدسة F/1.8 وفلاش LED، وبتتميز بوجود تقنيات التصوير العديدة زي تقنية التصوير بالمدى الديناميكي العالي HDR والعنونة الجغرافية وكشف الوجه والبانوراما والضبط البؤري للعدسة باللمس، وكمان بتدعم تصوير مقاطع فيديو بجودة 1080 بكسل و30 لقطة فى الثانية.
• الكاميرا الأمامية دقتها 20 ميجابكسل بفتحة عدسة F/2.0، مع خاصية depth of field اللي بتعزل الجزء الخلفي من الصورة وإظهار الجزء المراد تصويره بتفاصيل قوية.

العيوب

• الكاميرا الأمامية مفيهاش فلاش LED.
• الكاميرا الخلفية مش بتدعم تقنية المثبت البصري.

تجربة المستخدم

• أداء الكاميرا الخلفية ممتاز فهي بتقدم صور رائعة بتظهر بألوان رائعة وتفاصيل دقيقة من غير ظهور تشويش واضح في الصورة وده سواء كانت الإضاءة عالية أو منخفضة، وكمان أداء الكاميرا الأمامية كويس جدًا بتفاصيل عالية من غير وجود تشويش.

البطارية

المميزات

• بطارية ليثيوم أيون بسعة 3200 مللي أمبير في الثانية.

العيوب

• البطارية غير قابلة للإزالة.
• مش بتدعم تقنية الشحن السريع.

تجربة المستخدم

• أداء البطارية كويس جدًا فهي بتقعد لحد يوم كامل من الاستخدام المتوسط والكثيف، ولكنها بتستغرق 3 ساعات عشان تقدر تشحن شحنه كاملة وده لأنها مش بتدعم خاصية الشحن السريع.

شوف موبايل Oppo F5 من هنا.