كتبت: منى عوض

شركة الهواتف المحمولة دايمًا بتواجه تحديات كتير وهي بتفكر تبتكر جديد عشان تجذب شريحة أكبر من العملاء ليها ومن ضمن الشركات دي شركة شاومي، اللي قدمت موبايل Xiaomi Redmi Mi Mix 2 اللي بدورنا قررنا إننا نتكلم عنه النهارده.

هنستعرض خلال الريفيو ده أهم مواصفات ومميزات وعيوب الموبايل، ولو الاستعراض ده قدر يساعدك إنك تحدد قرارك حولين عملية شراء الموبايل وقررت بالفعل إنه مناسب ليك وعايز تشتريه تقدر تعرف أحسن سعر ليه وتقدر كمان تطلبه من خلال موقع ياقوطة وهيوصل لحد عندك في أسرع وقت ممكن.

المواصفات

وصف الموبايل

• الجهة الأمامية من الموبايل بتحتوي على الشاشة وفوقها سماعة المكالمات وتحتها مباشرة على جهة اليمين هتلاقي الكاميرا الأمامية تقريبًا للمرة الأولى هنشوفها في المكان ده، وكمان هتلاقي جنبها لمبة الإشعارات LED.
• الجهة الخلفية بتحتوي على الكاميرا الخلفية المزودة بفلاش LED مزدوج وتحتهم مباشرة في المنتصف مستشعر بصمة الإصبع.
• الجانب الأيمن للموبايل هنلاقي إنه بيضم أزرار التحكم في مستوى الصوت سواء بالارتفاع أو الانخفاض وتحتهم مباشرة زرار الباور المسئول عن فتح وقفل الموبايل وفتح وقفل الشاشة.
• الجهة العليا بتضم منفذ مخصص لتركيب سماعات الأذن الخارجية بمقاس 3.5 مم والميكرفون الإضافي المانع للضجيج.
• الجانب السلفي فيه منفذ USB لشحن الموبايل ونقل البيانات من وإلى الموبايل والسماعات الخارجية وميكرفون الموبايل.

التصميم

المميزات

• هيكل الموبايل مصنوع من السيراميك القوي وحوافه من خامات قوية من المعدن عشان يقدر يحافظ على الموبايل من الآثار السلبية الناجمة عن أي سقوط أو صدمات ممكن يتعرضلها.
• لمبة إشعارات LED.

العيوب

• وزن الموبايل تقيل 185 جرام.
• هيكل الموبايل غير مقاوم للماء والأتربة.
• الكاميرا الخلفية للموبايل بارزة عن ظهر الموبايل بشكل بسيط جدًا.

تجربة المستخدم

• تصميم الموبايل شيك جدًا ولكنه استخدامه بإيد واحدة مش مريح على الإطلاق لأنه في الحالة دي بيكون من الصعب الوصول لكل جزء في الموبايل عمومًا وفي الشاشة بصفة خاصة وبالتالي لازم يتم استخدام الموبايل بالإيدين.
• هيكل الموبايل بيظهر عليه بصمات الأصابع خلال الاستخدام بشكل كبير.

الشاشة

المميزات

• شاشة الموبايل من النوع IPS LCD Capacitive بحجم 5.9 بوصة ودقة وضوح 2160 × 1080 بكسل وكثافة بكسلات 403 بكسل لكل بوصة.
• الشاشة محمية بطبقة حماية إضافية ضد الكسر والخدش من النوع Corning Gorilla Glass 4.
• الشاشة بتحتل مساحة 80.8% من مساحة الواجهة الأمامية للموبايل وده بيدل على أن الجهة الأمامية تم استغلالها بشكل صحيح.
• بتدعم اللمس المتعدد.
• بتدعم تقنية الـ 16 مليون لون اللي بتساعد في ظهور أكتر من لون في نفس الوقت والتناسق بينهم.
• شاشة الموبايل بتيجي بالأبعاد الجديدة 9:18

العيوب

• لا يوجد.

تجربة المستخدم

• الشاشة بتقدم أداء كويس جدًا ودرجة ألوان واضحة ودرجة سطوع ممتازة في جميع ظروف الإضاءة خاصة تحت أشعة الشمس.
• حجم الشاشة بيُعتبر مناسب جدًا بالنسبة لهواة القراءة ومشاهدة الأفلام ومقاطع الفيديو وكمان لهواة لعب الألعاب على الموبايل.

الأداء

المميزات

• الموبايل بيشتغل بنظام تشغيل أندرويد نوجا 7.0 وبيقبل التحديث لأندرويد أويو بمجرد إتاحته للجهاز.
• الموبايل مزود كمان بواجهة شاومي MIUI 9 اللي بتُتيح ميزات وخصائص عديدة خلال استخدام الموبايل.
• الموبايل مزود بمعالج أساسي ثماني النواة من نوع Qualcomm MSM8998 Snapdragon 835 بتردد 1.9 جيجاهرتز، مع معالج رسومي من نوع Adreno 540.
• الموبايل بييجي بإصدارين من الذاكرة العشوائية وهما 6 و 8 جيجابايت رام.
• الموبايل بيجي بثلاث إصدارات مختلفة بالنسبة للذاكرة الداخلية وهي 64 و 128 و 256 جيجابايت.
• الموبايل بيدعم خاصية التواصل القريب المدى NFC وتقنية OTG اللي بتتيح توصيل الموبايل بأجهزة التخزين الخارجية زي الفلاشات.

العيوب

• الموبايل مش بيدعم تركيب كارت ذاكرة خارجية لزيادة السعة التخزينية للموبايل.
• الموبايل غير قادر على استقبال إشارات راديو FM.

تجربة المستخدم

• أداء الموبايل ممتاز جدًا وسلس جدًا خلال الاستخدام الخفيف أو الكثيف حتى يعني مش هتعاني من أي بطء أو تهنيج أو سخونة على الإطلاق خلال الاستخدام.
• صوت سماعات الموبايل متوسط الارتفاع ولكن جودته عالية جدًا.

الكاميرا

المميزات

• دقة الكاميرا الأساسية الخاصة بالموبايل 12 ميجابكسل بفتحة عدسه F/2.0 ومزودة بفلاش LED مزدوج، وكمان بتدعم خصائص التصوير المتعددة بجانب إمكانية تصوير مقاطع فيديو بجودة 2160 بكسل وسرعة 120 لقطة في الثانية وكمان بجودة 1080 بكسل وسرعة 30 لقطة في الثانية.
• دقة الكاميرا الأمامية 5 ميجابكسل بفتحة عدسه F/2.0.

العيوب

• دقة الكاميرا الأمامية ضعيفة وكمان بتفتقر لوجود فلاش LED.

تجربة المستخدم

• صور الكاميرا الخلفية بتتميز بتفاصيلها الواضحة وألوانها القريبة من الطبيعة وده بيكون في الإضاءات المختلفة بفضل الفلاش المزدوج.
• الكاميرا الأمامية بتقدم صور بجودة كويسة وألوان قريبة من الطبيعة نوعًا ما وده بيكون في الإضاءة النهارية والمرتفعة فقط أما مع الإضاءة المنخفضة فكانت الصور مخيبة للآمال جدًا لأن التفاصيل اختفت منها إلى حد كبير وكمان ظهر فيها Noise كتير.

البطارية

المميزات

• الموبايل بيجي ببطارية بسعة 3400 مللي أمبير في الثانية.
• البطارية بتدعم تقنية الشحن السريع اللي بتساعد في شحن الموبايل في وقت قياسي.

العيوب

• البطارية غير قابلة للإزالة.
• البطارية مش بتدعم الشحن اللاسلكي.

تجربة المستخدم

• بطارية الموبايل بتكمل لحد يوم كامل من الاستخدام الخفيف والمتوسط ولكن مع الاستخدام الكثيف هتحتاج إنها تتشحن مرة تانية خلال اليوم.

شوف موبايل Xiaomi Mi Mix 2 من هنا.