كتبت: منى عوض

مقال النهاردة هيكون عن موبايل Huawei Y7 Prime 2019، وخلال المقال هنوضح لحضرتكم أهم مواصفاته ومميزاته وعيوبه، ولو عجبك وحبيت تشتريه تقدر تعرف أحسن الأسعار ليه وتقارن بينهم وتقدر كمان تطلبه من خلالنا في ياقوطة وهيوصل لحد باب بيتك في أسرع وقت ممكن.

المواصفات

• الشاشة: 6.26 بوصة.
• المعالج: ثماني النواة.
• الذاكرة العشوائية: 3 جيجابايت.
• الكاميرا الخلفية: 13 + 2 ميجابكسل “مزدوجة العدسة”.
• الكاميرا الأمامية: 16 ميجابكسل.
• الذاكرة الداخلية: 32 جيجابايت.
• البطارية: 4000 مللي أمبير.
• نظام التشغيل: أندرويد أوريو.

الشكل الخارجي للموبايل

• الواجهة الأمامية للموبايل بتضم الشاشة وفوقها هتلاقي Notch صغير على شكل قطرة المياه اللي بيضم بدوره الكاميرا الأمامية وأعلاه هتلاقي سماعة المكالمات ومستشعرات الموبايل، أما أسفل الشاشة فهتلاقي شعار شركة Huawei.
• الواجهة الخلفية للموبايل بتضم الكاميرا الخلفية المزدوجة والملحقة بفلاش LED أعلى يسار الظهر وتحتهم هتلاقي كلمة AI Camera، اللي بتدل على تدعيم الكاميرا لخاصية الذكاء الاصطناعي، أما في منتصف ظهر الموبايل فهتلاقي مستشعر بصمة الإصبع، وشعار Huawei هتلاقيه موجود على يسار الجزء الأخير من الضهر.
• الجانب الأيمن للموبايل بيضم زرار الباور وزراري رفع وخفض مستوى الصوت.
• يسار الموبايل هتلاقي منفذ مخصص لتركيب شريحتين اتصال وميموري خارجي.
• الجزء العلوي للموبايل بيضم منفذ مخصص لتركيب سماعات الأذن الخارجية بمقاس 3.5 مم.
• الجزء السفلي للموبايل هتلاقي منفذ USB لشحن الموبايل ونقل البيانات من وإلى الموبايل، بجانب ميكرفون المكالمات والسماعات الخارجية للموبايل.

التصميم

المميزات

• هيكل الموبايل بلاستيكي الصنع أما حوافه فهي معدنيه.
• أبعاد الموبايل: 158.92 × 76.91 × 8.1 مم.
• وزن الموبايل خفيف فهو بيصل إلى 168 جرام.

العيوب

• لا يوجد.

تجربة المستخدم

• تصميم الموبايل كويس جدًا فهو بيتميز بهيكل بلاستيكي بيمنع انزلاق الموبايل من الأيد خلال الاستخدام، ده بجانب أن الأبعاد المناسبة والوزن الخفيف بيساعدوا في حمل الموبايل واستخدامه بأصابع الأيد الواحدة بكل سهولة.

الشاشة

المميزات

• شاشة الموبايل IPS LCD كابستيف بحجم 6.26 بوصة وأبعاد 19:9.
• الشاشة بتيجي بدقة HD+ وجودة وضوح 1520 × 720 بكسل وكثافة بكسلات 269 نقطة في البكسل.
• الشاشة بتدعم تقنية اللمس المتعدد المناسبة لهواة الألعاب.
• الشاشة متوافقة مع تقنية الـ 16 مليون لون اللي بتساعد في دمج الألوان وظهورها بشكل كويس ومتناسق.

العيوب

• الشاشة بتفتقر لوجود طبقة حماية إضافية ضد الكسر أو الخدش.
• كثافة بكسلات الشاشة قليلة بالنسبة لحجمها.

تجربة المستخدم

• شاشة الموبايل هتساعدك في الاستمتاع بتجربة مشاهدة مقبولة إلى حد كبير بفضل حجمها الكبير ودرجة وضوحها ودقة ألوانها وكمان درجة سطوعها المعقولة إلى حد كبير.

الأداء

المميزات

• الموبايل بيجي بنظام تشغيل أندرويد أوريو إصدار 8.1 مع واجهة تشغيل هواوي EMUI 8.2.
• الموبايل معالج الموبايل ثماني النواه من نوع Qualcomm SDM450 Snapdragon 450 بتقنية 14 نانوميتر وتردد 1.8 جيجاهرتز Cortex-A53، ومع معالج رسومي من نوع Adreno 506.
• الموبايل بيجي بـ 3 جيجابايت رام و 32 جيجابايت للذاكرة الداخلية، مع إمكانية إضافة ميموري خارجي بسعة تصل إلى 512 جيجابايت.
• الموبايل مزود بمستشعرات التسارع والتقارب والبوصلة وبصمة الإصبع وبصمة الوجه.
• الموبايل قادر على استقبال وتشغيل موجات راديو FM.

العيوب

• لا يوجد.

تجربة المستخدم

• أداء الموبايل سلس جدًا في الاستخدامات الخفيفة والمتوسطة، أما بقى في الاستخدامات الكثيفة هتلاحظ بطء وتهنيج خلال الاستخدام.

الكاميرا

المميزات

• الكاميرا الخلفية للموبايل مزدوجة العدسة بدقة 13 ميجابكسل وفتحة عدسة f/1.8 ودقة 2 ميجابكسل مع فتحة عدسة f/2.4.
• الكاميرا الخلفية مزودة بفلاش LED لتحسين جودة الصور الملتقطة في الإضاءة المنخفضة، بجانب تدعيمها لخواص التصوير المتعددة والقدرة على تصوير مقاطع فيديو بدقة 1080 بكسل.
• الكاميرا الأمامية بتيجي بدقة 16 ميجابكسل، ده بجانب أنها مزودة بخواص التصوير المتعددة والقدرة على تصوير مقاطع فيديو بجودة 1080 بكسل.

العيوب

• لا يوجد.

تجربة المستخدم

• كاميرات الموبايل بتقدر تلتقط صور بجودة عالية وتفاصيل واضحة خاصة في الإضاءة العالية، أما في الإضاءة المنخفضة هتلاحظ انخفاض جودة الصور وظهور شوية تشويش فيها.

البطارية

المميزات

• بطارية الموبايل ليثيوم أيون بسعة 4000 مللي أمبير في الثانية.

العيوب

• البطارية غير قابلة للإزالة ومش مزودة بتقنيتي الشحن السريع والشحن اللاسلكي.

تجربة المستخدم

• بطارية الموبايل بتقدر أنها تكمل لحد يومين تقريبًا من الاستخدامات الخفيفة والمتوسطة، ولحد يوم كامل من الاستخدامات الكثيفة.

ممكن تشوف موبايل Huawei Y7 Prime 2019 بسعر يبدأ من 2999 جنيه مصري تقريبًا، وممكن تعرف وتقارن أسعار الموبايل المختلفة من خلال موقع ياقوطة.

**نظام التشغيل الذي تم ذكره على أنه آخر الأنظمة التي تقبل بها الهواتف الذكية الواردة في المقال، هو النظام المذكور على الموقع الرسمي للشركة في الوقت الذي تم كتابة المقالة فيه، وبعض الهواتف الذكية قد تقبل الترقي للإصدارات الأحدث من أنظمة التشغيل.

**أسعار الهواتف الذكية الواردة في هذا المقال هي الأسعار المدرجة في المتاجر وقت نشر المقال، والأسعار متغيرة صعودًا وهبوطًا وفقًا لحركة الأسواق.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.