كتبت: منى عوض

مقال النهاردة هيكون مخصص لهاتف الفئة الاقتصادية Honor  Play 8A، اللي أطلقته شركة هونر من فترة بسيطة، وخلال المقال ياقوطة هتوضح لمتابعينها أهم مواصفات ومميزات وعيوب الموبايل، ولو عجبك الموبايل وحبيت تشتريه تقدر تعرف أحسن سعر ليه وتقدر كمان تطلبه من خلالنا وهيوصل لحد باب بيتك في أسرع وقت ممكن.

المواصفات

• الشاشة: 6.09 بوصة.
• المعالج: ثماني النواة.
• الذاكرة العشوائية:  2 جيجابايت.
• الكاميرا الخلفية: 13 ميجابكسل.
• الكاميرا الأمامية: 8 ميجابكسل.
• الذاكرة الداخلية: 32 جيجابايت.
• البطارية: 3020 مللي أمبير.
• نظام التشغيل: أندرويد باي.

وصف الموبايل

• الواجهة الأمامية للموبايل بتحتوي على الشاشة وأعلى الشاشة هتلاقي Notch صغير جدًا على شكل قطرة مياه وده بيضم الكاميرا الأمامية وأعلى الـ Notch هتلاقي سماعة المكالمات ومستشعرات الموبايل، أما أسفل الشاشة فهتلاقي شعار Honor.
• ظهر الموبايل بيضم الكاميرا الخلفية المزودة بفلاش LED ودي بتكون أعلى يسار الظهر، أما مستشعر بصمة الإصبع فبيكون موجود في منتصف الظهر، وشعار Honor بيكون موجود في آخر الجزء الأيسر من الضهر.
• الجانب الأيمن بيضم زرار الباور وزراري رفع وخفض مستوى الصوت.
• الجانب الأيسر بيضم منفذ مخصص لتركيب شريحتين الاتصال والميموري الخارجي.
• أعلى الموبايل هتلاقي منفذ مخصص لتركيب سماعات الأذن الخارجية بمقاس 3.5 مم.
• أسفل الموبايل هتلاقي منفذ USB وميكرفون المكالماتوالسماعات الخارجية للموبايل.

التصميم

المميزات

• هيكل الموبايل مصنوع من البلاستيك والإطار من المعدن.
• أبعاد الموبايل: 156.28 × 73.5 × 8 مم.
• وزن الموبايل 150 جرام وده وزن خفيف بيسهل من حمل واستخدام الموبايل.

العيوب

• لا يوجد.

تجربة المستخدم

• تصميم الموبايل عصري جدًا، ولكنه على الرغم من كده تقليدي لأن كل الهواتف اللي موجودة في السوق حاليًا بقت بتتميز بوجود Notch أعلى الشاشة وبتتميز كمان بالأبعاد الجديدة للشاشة.
• من السهل استخدام الموبايل والتحكم فيه بأصابع الأيد الواحدة.

الشاشة

المميزات

• شاشة الموبايل LCD كابستيف بحجم 6.09 بوصة وأبعاد 19.5:9.
• الشاشة بتيجي بدقة HD ودرجة وضوح 1560 × 720 بكسل وكثافة بكسلات 283 نقطة لكل بوصة.
• الشاشة متوافقة مع تقنيتي اللمس المتعدد والـ 16 مليون لون.

العيوب

• الشاشة بتفتقر لوجود طبقة حماية إضافية ضد الكسر والخدش.
• كثافة بكسلات الشاشة قليلة بالنسبة لحجمها.

تجربة المستخدم

• شاشة الموبايل بتقدم تجربة مشاهد مقبولة إلى حد كبير، وده بفضل حجمها الكبير ودقة ألوانها الكويسة إلى حد كبير ووضوح التفاصيل اللي بتقدمها وكمان درجة سطوعها.

الأداء

المميزات

• الموبايل بيجي بنظام تشغيل أندرويد باي إصدار 9.0 مع واجهة تشغيل هواوي EMUI 9.0.
• الموبايل مزود بمعالج ثماني النواه من نوع Mediatek MT6765 Helio P35، مقسم إلى وحدتين رباعيتين النواه بتردد 2.3 جيجاهرتز Cortex-A53 وتردد 1.8 جيجاهرتز Cortex-A53، بجانب وجود معالج رسومي من نوع PowerVR GE8320.
• من الممكن الاختيار بين 2 جيجابايت رام و 32 جيجابايت للذاكرة الداخلية، مع إمكانية إضافة ميموري خارجي بسعة تصل إلى 512 جيجابايت.
• الموبايل مزود بمستشعرات التسارع والتقارب، بجانب مستشعر بصمة الإصبع وبصمة الوجه.
• الموبايل بيدعم حتى شبكات الجيل الرابع.

العيوب

• لا يوجد.

تجربة المستخدم

• الموبايل بيقدم أداء كويس وسلس في تصفح شبكات الإنترنت والتنقل بين التطبيقات ولعب الألعاب الخفيفة، أما مع الاستخدامات الكثيفة ولعب الألعاب ذات الجرافيك العالي هتلاحظ أن الموبايل بيعاني من بظء وتهنيج إلى حد ما خلال الاستخدام.

الكاميرا

المميزات

• الموبايل مزود بكاميرا خلفية بدقة 13 ميجابكسل مع فتحة عدسة f/1.8، بجانب وجود فلاش LED اللي بيساعد في تحسين جودة الصور الملتقطة في الإضاءة المنخفضة.
• الكاميرا الخلفية بتتمتع بتدعيمها لخواص التصوير المتعددة زي الكشف التلقائي لبؤرة العدسة والتصوير البانورامي وغيرها من الخواص، بجانب القدرة على تصوير مقاطع فيديو بدقة 1080 بكسل.
• الكاميرا الأمامية للموبايل دقتها 8 ميجابكسل مع فتحة عدسة f/2.0.
• الكاميرا الأمامية بتدعم خواص التصوير المتعددة، بجانب قدرتها على تصوير مقاطع فيديو بدقة 1080 بكسل.

العيوب

• لا يوجد.

تجربة المستخدم

• كاميرات الموبايل قادرة على التقاط صور بتتميز بجودتها الكويسة وتفاصيلها الواضحة خاصة في الإضاءة المرتفعة، أما في الإضاءة المنخفضة هتلاحظ انخفاض جودة الصور إلى حد ما.

البطارية

المميزات

• بطارية الموبايل ليثيوم بوليمير بسعة 3020 مللي أمبير في الثانية.

العيوب

• البطارية غير قابلة للإزالة.
• البطارية بتفتقر لتقنيتي الشحن السريع والشحن اللاسلكي.

تجربة المستخدم

• بطارية الموبايل بتقدم أداء كويس فهي بتقدر تكمل لحد آخر اليوم في حالة استخدام الموبايل بشكل خفيف أو متوسط ولكنها هتحتاج تتشحن أكتر من مرة في اليوم في حالة استخدام الموبايل بكثافة.

ممكن تشوف موبايل Honor 8A بسعر يبدأ من 2297 جنيه مصري تقريبًا، وممكن تعرف وتقارن أسعار الموبايل المختلفة من خلال موقع ياقوطة.

**نظام التشغيل الذي تم ذكره على أنه آخر الأنظمة التي تقبل بها الهواتف الذكية الواردة في المقال، هو النظام المذكور على الموقع الرسمي للشركة في الوقت الذي تم كتابة المقالة فيه، وبعض الهواتف الذكية قد تقبل الترقي للإصدارات الأحدث من أنظمة التشغيل.

**أسعار الهواتف الذكية الواردة في هذا المقال هي الأسعار المدرجة في المتاجر وقت نشر المقال، والأسعار متغيرة صعودًا وهبوطًا وفقًا لحركة الأسواق.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.