كتبت: منى عوض

شركة سامسونج أطلقت في الفترة الأخيرة موبايلها الجديد Samsung A8 2018 ودي في خطوة منها لاستكمال مسيرة التطور والانفراد اللي بتسعى ليها دايما الشركة، هنتكلم النهارده في ياقوطة عن الموبايل ده، وهنتعرف من خلال الريفيو ده على مواصفاته ومميزاته وعيوبه، ولو عجبك وعايز تشتريه تقدر تعرف أحسن سعر ليه وتقدر كمان تطلبه من خلالنا وهيوصل لحد عندك في أسرع وقت.

المواصفات

وصف الموبايل

• الجهة الأمامية للموبايل بتضم الشاشة وفوقها سماعه المكالمات والكاميرا الأمامية المزدوجة ولمبة الإشعارات LED.
• الجهة الخلفية للموبايل هتلاقي الكاميرا الخلفية وفلاش LED ومستشعر بصمة الإصبع أسفل الكاميرا وفي نص ضهر الموبايل هتلاقي شعار شركة سامسونج.
• الجهة اليمنى للموبايل فيها زرار الباور اللي بيتحكم في قفل وتشغيل الموبايل وكمان بيتحكم في قفل وفتح الشاشة.
• الجهة اليسرى للموبايل فيها أزرار التحكم في مستوى الصوت ومنفذ شريحتي الاتصال من نوع Nano Sim.
• الجهة العليا للموبايل بتحتوي على مدخل لإضافة ذاكرة خارجية.
• الجهة السلفية للموبايل هتلاقي فيها منفذ الـ USB والسماعات الخارجية للموبايل وميكرفون مخصص لمنع الضوضاء.

التصميم

المميزات

• تصميم الموبايل من الزجاج وحوافه من خامة المعدن القوية.
• أبعاد الموبايل: 149.2 × 70.6 × 8.4 ملم.
• وزن الموبايل كويس 172 جرام.
• مزود بلمبة إشعارات LED.
• هيكل الموبايل مقاوم للغبار والماء لمسافة تصل إلى 1.5 متر ومدة تصل إلى 30 دقيقة.
• بيدعم وجود ميكرفون إضافي مانع للضجيج.
• مستشعر بصمة الإصبع.

العيوب

• مكان مستشعر البصمة لسه قريب من البصمة.

تجربة المستخدم

• تصميم الموبايل جذاب بحواف قليلة وظهر زجاجي محمي بطبقة جوريلا جلاس وإطار معدني، ولكن للأسف بصمات الأصابع بتعلم على هيكل الموبايل نظرا لتصميمه الزجاجي.

الشاشة

المميزات

• شاشة الموبايل Super AMOLED كابستيف بتقنية Full HD بحجم 5.6 بوصة ودقة وضوح عالية 2220 × 1080 بكسل وكثافة بكسلات 441 بكسل لكل بوصة، وحواف الشاشة قليلة جدًا بالأبعاد الجديدة 9:18.
• مزودة بطبقة حماية إضافية من الزجاج المصقول Corning Gorilla عشان تحمي الموبايل من أي خدش أو كسر.
• بتدعم خاصية Always-on display اللي بتعمل على الإبقاء على شاشة الموبايل مضاءة بحد الإضاءة الأدني عشان تعرض الوقت وإشعارات التنبيه.

العيوب

• لا يوجد.

تجربة المستخدم

• شاشة الموبايل بتقدم أداء متميز جدًا وألوانها الخلابة الطبيعية ودرجة سطوعها المتميزة وبتقدم تفاصيل واضحة في ظل ظروف الإضاءة المختلفة خاصة تحت أشعة الشمس، وكمان حجمها الكبير وجودتها العالية بيقدموا تجربة مشاهدة ممتعة ومميزة.

الأداء

المميزات

• الجهاز بيشتغل بنظام تشغيل نوجا مع واجهة سامسونج Touch Wiz ومزود بمعالج أساسي من النوع Exynos 7885 Octa بتردد ثماني النواة “مقسمة إلى وحدتين الأولى أربعة أنوية بسرعة 2.2 جيجاهرتز Cortex-A73 والتانية أربعة أنوية بسرعة 1.6 جيجاهرتز Cortex-A53″، ومعالج رسومي من نوع Mali-G71، بجانب 4 جيجابايت رام.
• متوافر بإصدارين للذاكرة الداخلية بحجم 32 جيجابايت و64 جيجابايت وممكن تضيف ميموري خارجي بسعة 256 جيجابايت.
• بيدعم وتقنية الـ NFC اللي بتساعد في تبادل البيانات في نطاق ضيق جدا، بجانب تدعيمه لنظام تحديد المواقع GPS و A-GPS و,GLONASS و BDS.
• بيدعم وجود العديد من المستشعرات زي مستشعر البارومتر والبوصلة والتسارع والدوران والتقارب.
• بيدعم الاتصال من خلال البلوتوث من إصدار 5.0 مع A2DP وLE والـ Wi-Fi ومنفذ USB من النوع Type C.
• بيدعم وجود راديو FM.
• الموبايل بيدعم تشغيل شريحتي الاتصال مع ميموري خارجي في نفس الوقت.

العيوب

• مش بيدعم الـ Java.

تجربة المستخدم

• أداء الجهاز سريع وسلس جدًا ومش هتواجه أي بطء أو تهنيج في المهام المختلفة وتعدد التطبيقات وكمان أدائه مميز في جميع الألعاب خصوصا الألعاب التقيلة.

الكاميرا

المميزات

• الموبايل بيجي بكاميرا خلفية بقوة 16 ميجابكسل بفتحة عدسة F/1.7 ومزودة بفلاش LED، مع خاصية تصوير البورتريه والضبط التلقائي للصورة وميزة تحديد الوجه ووضع التصوير بالمدى الديناميكي العالي المتميز HDR والبانوراما، وكمان القدرة على تصوير مقاطع فيديو بدقة Full HD بجودة 1080 بكسل بسرعة 30 لقطه في الثانية.
• الكاميرا الأمامية مزدوجة الأولى 16 ميجابكسل والثانية 8 ميجابكسل والكاميرتين بفتحة عدسة F/1.9 وبتقدر تصور مقاطع فيديو بدقة HD بجودة 1080 بكسل وبتدعم خاصية العزل وتقنية HDR.

العيوب

• الكاميرا الأمامية مفيهاش فلاش LED.

تجربة المستخدم

• الكاميرا بتقدم أداء ممتاز وصور بجودة عالية وتفاصيل واضحة ونقاء ألوان شديد سواء في الإضاءة المرتفعة أو المنخفضة، ده بجانب أن الكاميرا الأمامية قادرة على عزل الجسم المراد تصويره وإظهاره بوضوح تام وده بفضل تدعيمها لخاصية العزل.

البطارية

المميزات

• بطارية ليثيوم أيون بسعة 3000 مللي أمبير في الثانية.
• بتدعم خاصية الشحن السريع.

العيوب

• البطارية غير قابلة للإزالة.

تجربة المستخدم

• أداء البطارية كويس جدا فهي بتصمد لحد يوم كامل من الاستعمال المتوسط والكثيف وده بفضل وضع حفظ الطاقة اللي سامسونج زودت الموبايل بيه وكمان خاصية Always-on display بتساعد في الحفاظ على طاقة البطارية لفترة أطول.

شوف موبايل Samsung A8 2018 من هنا.