كتبت: منى عوض

النهاردة هنتكلم عن Samsung S9، وهنتعرف من خلال الريفيو ده على مواصفات ومميزات وعيوب الموبايل ده، ولو عجبك وعايز تشتريه تقدر تعرف أحسن سعر ليه وتقدر كمان تطلبه من خلال موقع ياقوطة وهيوصل لحد عندك في أسرع وقت.

المواصفات

وصف الموبايل

• الجهة الأمامية للموبايل بتضم الشاشة وفوقها سماعه المكالمات والكاميرا الأمامية ومستشعر للتعرف الوجه ومسح قزحية العين ومستشعر التقارب ولمبة الإشعارات LED.
• الجهة الخلفية للموبايل فيها الكاميرا الخلفية وجنبها فلاش LED والمستشعرات وتحت الكاميرا هتلاقي مستشعر بصمة الإصبع وفي نص ضهر الموبايل هتلاقي شعار شركة سامسونج.
• الجهة اليمنى للموبايل فيها زرار الباور اللي بيتحكم في قفل وتشغيل الموبايل وكمان بيتحكم في قفل وفتح الشاشة.
• الجهة اليسرى للموبايل فيها أزرار التحكم في مستوى الصوت مع زرار خاص للمساعد الصوتي Bixby.
• الجهة العليا للموبايل بتحتوي على مخرج شريحتي الاتصال اللي ممكن نستخدمها في تشغيل شريحتين أو شريحة اتصال وميموري خارجي.
• الجهة السلفية للموبايل هتلاقي فيها منفذ الـ USB Type-C والسماعات الخارجية للموبايل ومخرج سماعات الأذن 3.5 مم.

التصميم

المميزات

• تصميم الموبايل من الزجاج المقاوم للكسر من نوع غوريلا الإصدار الخامس مع جوانب من معدن الألمونيوم لحماية الموبايل من التعرض لأي كسر أو خدش.
• أبعاد الموبايل: 147.7 × 68.7 × 8.5 ملم.
• وزن الموبايل خفيف 163 جرام.
• مزود بلمبة إشعارات LED.
• هيكل الموبايل مقاوم للماء والأتربة.
• بيدعم وجود ميكرفون إضافي مانع للضجيج.
• مستشعر بصمة الإصبع.

العيوب

• سمك الموبايل بيُعتبر كبير.

تجربة المستخدم

• تصميم الموبايل جذاب وأنيق جدًا ومصمم من الزجاج المحمي بطبقة جوريلا جلاس 5 وإطار معدني عشان يحمي الموبايل من التعرض لأي كسر أو خدش، ولكن للأسف بصمات الأصابع بتعلم على هيكل الموبايل بشكل رهيب وده بسبب تصميمه الزجاجي.
• سامسونج غيرت مكان مستشعر بصمة الإصبع وخليته أسفل الكاميرا الخلفية عشان تسهل من استخدام المستشعر، ودي في خطوة لتلبية متطلبات مستخدمينها اللي اشتكوا من مكان المستشعر اللي كان موجود جنب الكاميرا على طول في نسخة جلاكسي S8.

الشاشة

المميزات

• شاشة الموبايل Super AMOLED كابستيف بحجم 5.8 بوصة ودقة وضوح عالية 2960 × 1440 بكسل وكثافة بكسلات 570 بكسل لكل بوصة.
• مزودة بطبقة حماية إضافية من الزجاج المصقول Corning Gorilla 5 عشان تحمي الموبايل من أي خدش أو كسر.
• بتدعم خاصية Always-on display اللي بتعمل على الإبقاء على شاشة الموبايل مضاءة بحد الإضاءة الأدني عشان تعرض الوقت وإشعارات التنبيه.
• متوافق مع تقنية العرض HDR اللي بتعمل على عرض مجموعة أكبر من الألوان بشكل أكثر إشباعاً.
• بتدعم اللمس المتعدد.
• بتدعم 16 مليون لون.

العيوب

• لا يوجد.

تجربة المستخدم

• ألوان شاشة الموبايل بتظهر وكأنها طبيعية تمامًا وكمان درجة سطوع الشاشة متميزة وحجمها كبير وده هيقدملك تجربة مشاهدة ممتعة ومميزة في مختلف درجات الإضاءة.

الأداء

المميزات

• الجهاز بيشتغل بنظام تشغيل أندرويد أوريو ومزود بمعالج أساسي من النوع Exynos 9810 Octa بتردد ثماني النواة “مقسمة إلى وحدتين الأولى أربعة أنوية بسرعة 2.7 جيجاهرتز Cortex-A55 والتانية أربعة أنوية بسرعة 1.8 جيجاهرتز Mongoose M3″، ومعالج رسومي من نوع Mali-G72 MP18، بجانب 4 جيجابايت رام.
• متوافر بتلات إصدارات للذاكرة الداخلية بحجم 64 جيجابايت و128 جيجابايت و256 جيجابايت وممكن نضيف ميموري خارجي لحد 400 جيجابايت.
• بيدعم تقنية الـ OTG اللي بتقدر تشغلك فلاش ميموري على الموبايل، وتقنية الـ NFC اللي بتساعد في تبادل البيانات في نطاق ضيق جدا.
• بيدعم مستشعر مقياس التسارع والجيروسكوب والتقارب والبوصلة ومستشعر الضوء المحيط ومستشعر الكشف عن السرعة ومستشعر الاقتراب.
• بيدعم نظام تحديد المواقع GPRS و GPS.
• بيدعم الاتصال من خلال البلوتوث من إصدار 5.0 مع A2DP وLE والـ Wi-Fi ومنفذ USB من النوع Type C.
• سامسونج أضافت سماعات استريو في الموبايل ده، وهما السماعتين المزدوجتين واحدة فيهم في أسفل الموبايل والتانية سماعة المكالمات، وده عشان يوفرلك تجربة استماع متميزة وعالية.
• بيدعم شبكات اتصال الجيل الثاني والثالث والرابع.

العيوب

• مش بيدعم الـ Java.
• الموبايل مش بيدعم عملية تشغيل شريحتي الاتصال مع كارت الذاكرة الخارجي في نفس الوقت.

تجربة المستخدم

• أداء الجهاز سريع جدًا في تعدد المهام واستخدام أكتر من تطبيق في نفس الوقت وكمان في الألعاب التقيلة ومش هيخليك تواجه أي بطئ أو تهنيج في الجهاز.

الكاميرا

المميزات

• الكاميرا الخلفية للموبايل بتيجي بقوة 12 ميجابكسل بفتحة عدسة متغيرة بين F/1.5 و F/2.4، وكمان مزودة بفلاش LED.
• الكاميرا الخلفية بتدعم خواص التصوير المتعددة زي التكبير البصري وخاصية التثبيت البصري OIS والضبط التلقائي للصورة والضبط التلقائي لبؤرة العدسة والتعرف على الوجه والابتسامة والعنونة الجغرافية والبانوراما وتقنية التصوير بالمدى الديناميكي العالي HDR.
• الكاميرا بتدعم تكنولوجيا جديدة اسمها “الواقع المعزز” اللي هتخليك تصور نفسك على شكل شخصية كارتونية وتحدد تعبيراتها من خلال الكاميرا
• الكاميرا بتدعم تصوير فيديو بجودة 1080 بكسل بسرعة 24 لقطة في الثانية، ودقة 4K بجودة 2160 بكسل بسرعة 60 لقطة في الثانية، وكمان بتصور بخاصية Super Slow-Mo بجودة 720 بكسل بسرعة 960 لقطة في الثانية.
• الكاميرا الأمامية دقتها 8 ميجابكسل بفتحة عدسة F/1.7 وبتدعم تصوير مقاطع الفيديو بجودة 1440 بكسل وبسرعة 30 لقطة في الثانية، وكمان تقنية التصوير بالمدى الديناميكي العالي HDR والضبط التلقائي للصورة.

العيوب

• الكاميرا الأمامية مفيهاش فلاش LED.

تجربة المستخدم

• الكاميرا الخلفية بتقدم أداء متميز وصور بجودة عالية سواء في الإضاءة المرتفعة أو المنخفضة، وهتخليك تقدر تاخد صور بتركيز تلقائي لحظي خلال التصوير، وكمان فكرة أن عدسة الكاميرا متغيرة ده شيء ممتاز جدًا لأنها بكده تقدر تستقطب أكبر قدر من الضوء في ظروف الإضاءة المختلفة.
• الكاميرا الأمامية بتقدم صور متميزة جدًا في الإضاءة المرتفعة والنهارية ولكن جودة الصور دي بتقل شوية مع انخفاض درجة الإضاءة.

البطارية

المميزات

• بطارية ليثيوم أيون بسعة 3000 مللي أمبير في الثانية.
• بتدعم خاصية الشحن السريع والشحن اللاسلكي.

العيوب

• البطارية غير قابلة للإزالة.

تجربة المستخدم

• أداء البطارية كويس لأنها بتقدر تقعد لحد يوم كامل تقريبًا من الاستعمال الشاق، ده غير إن خاصية Always-on display بتساعد في الحفاظ على طاقة البطارية لفترة أطول.

شوف موبايل Samsung S9 من هنا.