كتبت: منى عوض

شركة هواوي دايمًا بتصدر هواتف محمولة بمواصفات متميزة بتحاول من خلالها أنها تثبت نفسها بشكل أكبر وتستحوذ كمان على صدارة سوق الهواتف المحمولة، عشان كدا المرة دي أطلقت هاتف يقال أنه هيكون رائد الفئة المتوسطة وهو موبايل Huawei Enjoy 9.

وعشان ياقوطة كمان متميزة وبتقدم كل جديد قررت أن مقال النهاردة يوضح أهم مواصفات ومميزات وعيوب الموبايل ده، ولو عجبك وحبيت أنك تشتريه وتعرف أحسن الأسعار ليه يبقى لازم تعمل ده من خلالنا بس ده طبعًا بمجرد نزول الموبايل للمنافسة في الأسواق.

المواصفات

• الشاشة: 6.26 بوصة.
• المعالج: ثماني النواة.
• الذاكرة العشوائية: 3 / 4 جيجابايت.
• الكاميرا الخلفية: 13 + 2 ميجابكسل “مزدوجة”.
• الكاميرا الأمامية: 8 ميجابكسل.
• الذاكرة الداخلية: 32 / 64 جيجابايت.
• البطارية: 4000 مللي أمبير.
• نظام التشغيل: أندرويد أوريو.

وصف الموبايل

• الجهة الأمامية للموبايل بتحتوي على شاشة بتستحوذ على نسبة 79.65% وفوقها مباشرة هتلاقي Notch صغير جدًا بيشبه قطرة المياه وبيضم الكاميرا الأمامية للموبايل وسماعة المكالمات ومستشعرات الموبايل أما تحت الشاشة هتلاقي شعار Huawei.
• الجهة الخلفية بتحتوي على الكاميرا الخلفية المزدوجة وملحقة بفلاش LED تحتها على طول ودول بيكونوا أعلى يسار الظهر وتحت كل دول هتلاقي كلمة AI Camera- اللي بتدل على أن كاميرا الموبايل بتشتغل بالذكاء الاصطناعي- أما في آخر يسار ظهر الموبايل هتلاقي شعار Huawei.
• الجانب الأيمن بيضم زراري رفع وخفض مستوى صوت بجانب زرار قفل وتشغيل الموبايل والشاشة.
• يسار الموبايل هتلاقي منفذ فيه درج تقدر تضيف فيه شريحتين اتصال من نوع Nano وكارت ذاكرة خارجي.
• أسفل الموبايل هتلاقي منفذ USB والسماعة الخارجية للموبايل وميكرفون المكالمات.
• أعلى الموبايل هتلاقي ميكرفون إضافي عازل للضوضاء ومنفذ لتركيب سماعات الأذن الخارجية.

التصميم

المميزات

• تصميم الموبايل من البلاستيك عالي الجودة.
• أبعاد الموبايل: 158.9 × 76.9 × 8.1 مم.
• وزن الموبايل خفيف ومناسب لتسهيل الاستخدام 168 جرام.

العيوب

• لا يوجد.

تجربة المستخدم

• تصميم الموبايل لطيف جدًا وهيكله قوي ومضاد للصدمات وهتقدر تتحكم فيه بكل سهولة وراحة، وكمان الـ Notch اللي موجود أعلى الشاشة صغير جدًا شبه قطرة الماء ومش هيضايقك وأنت بتستخدم شاشة الموبايل.

الشاشة

المميزات

• شاشة الموبايل IPS LCD كابستيف بحجم 6.26 بوصة وأبعاد 19:9 ودقة HD+ ودرجة وضوح 720 × 1520 بكسل وكثافة بكسلات 269 نقطة في البوصة.
• الشاشة مزودة بخاصيتي اللمس المتعدد و الـ 16 مليون لون.

العيوب

• شاشة الموبايل مش محمية بأي نوع من أنواع طبقات الحماية الزجاجية الإضافية ضد الكسر والخدش.

تجربة المستخدم

• شاشة الموبايل بتقدم تجربة مشاهدة ممتعة بفضل حجمها الكبير والمناسب للاستخدامات المختلفة، بجانب قدرتها على تقديم تفاصيل عالية ودرجة وضوح عالية للألوان ودرجة سطوع كويسة تحت أشعة الشمس.

الأداء

المميزات

• نظام تشغيل الموبايل هو أندرويد أوريو إصدار 8.1 مع واجهة تشغيل هواوي EMUI 8.2.
• الموبايل مزود بمعالج ثماني النواة من نوع Qualcomm SDM450 Snapdragon 450 بتقنية 14 نانوميتر وتردد 1.8 جيجاهرتز Cortex-A53 ومعالج رسومي من نوع Adreno 506.
• الموبايل متاح إما بـ 3 جيجابايت رام أو 4 جيجابايت رام على حسب الإصدار اللي تختاره.
• الموبايل مزود بذاكرة داخلية إما 32 جيجابايت أو 64 جيجابايت على حسب اختيارك أيضًا.
• من الممكن إضافة ميموري خارجي بسعة تصل إلى 512 جيجابايت.
• الموبايل بيدعم مستشعرات البوصلة والتسارع والقرب والإضاءة المحيطة.

العيوب

• الموبايل مش مزود بمستشعر بصمة الإصبع ولا مستشعر الجيرسكوب المستخدم في تشغيل نظارات الواقع الافتراضي.
• الموبايل مش مزود بتقنية التواصل قريب المدى NFC ولا بيقدر يشغل الراديو FM.

تجربة المستخدم

• أداء الموبايل سلس جدًا في الاستخدامات اللي بتتراوح بين الخفيفة والمتوسطة زي تصفح شبكات الإنترنت والتنقل بين التطبيقات وفتح أكتر من تطبيق في نفس الوقت، وكمان أداء الموبايل مع الألعاب كويس جدًا ولكن الألعاب الخفيفة أو المتوسطة أما الألعاب الكثيفة أو اللي بتحتاج جرافيك عالي هتلاحظ أن أداء الموبايل بيعاني من بطء وتهنيج وده لأنه مزود بمعالجات متوسطة الأداء.

الكاميرا

المميزات

• الكاميرا الخلفية للموبايل مزدوجة العدسة بدقة 13 ميجابكسل وفتحة عدسة f/1.8 ودقة 2 ميجابكسل بفتحة عدسة f/2.4.
• الكاميرا الخلفية مزودة بفلاش LED لتحسين جودة الصور الملتقطة خاصة في ظروف الإضاءة المنخفضة.
• الكاميرا الخلفية مزودة بخصائص التصوير المتعددة زي خاصية الكشف التلقائي لبؤرة العدسة والتصوير البانورامي، بجانب القدرة على تصوير مقاطع فيديو بدقة 1080 بكسل في 30 لقطة في الثانية.
• الكاميرا الأمامية دقتها 8 ميجابكسل بفتحة عدسة f/2.0.
• الكاميرا الأمامية بتدعم خواص التصوير المتعددة وبتقدر تصور مقاطع فيديو بدقة 1080 بكسل في 30 لقطة في الثانية.

العيوب

• لا يوجد.

تجربة المستخدم

• كاميرات الموبايل بتقدر تلتقط صور بجودة كويسة جدًا وتفاصيل واضحة ولكن ده في الإضاءة المرتفعة فقط لأن جودة الصور بتنخفض إلى حد ما في الإضاءات المنخفضة.

البطارية

المميزات

• بطارية الموبايل ليثيوم بوليمير بسعة 4000 مللي أمبير في الثانية.

العيوب

• البطارية غير قابلة للإزالة.
• البطارية مش بتدعم خاصية الشحن السريع اللي بتسمح بشحن الموبايل في مدة زمنية أقل.

تجربة المستخدم

• بطارية الموبايل بتقدم أداء متميز بيسمحلها بأنها تكمل لحد يوم أو أكثر من الاستخدام وده طبعًا بيتحدد وفقًا لنوع الاستخدام يعني خفيف أو متوسط أو كثيف.

ممكن تشوف موبايل Huawei Enjoy 9 بسعر يبدأ من 200 دولار أمريكي تقريبًا، وبمجرد إتاحته للبيع في سوق الهواتف المحمولة تقدر تعرف وتقارن أسعار الموبايل المختلفة من خلال موقع ياقوطة.

**نظام التشغيل الذي تم ذكره على أنه آخر الأنظمة التي تقبل بها الهواتف الذكية الواردة في المقال، هو النظام المذكور على الموقع الرسمي للشركة في الوقت الذي تم كتابة المقالة فيه، وبعض الهواتف الذكية قد تقبل الترقي للإصدارات الأحدث من أنظمة التشغيل.

**أسعار الهواتف الذكية الواردة في هذا المقال هي الأسعار المدرجة في المتاجر وقت نشر المقال، والأسعار متغيرة صعودًا وهبوطًا وفقًا لحركة الأسواق.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.