كتبت: منى عوض

مقال ياقوطة النهاردة هيكون عن هاتف Tecno POP 2 Power اللي بينتمي للفئة السعرية الاقتصادية اللي بيتجه ليها عادة نسبة كبيرة من المستخدمين اللي احتياجاتهم للهواتف المحمولة بسيطة جدًا.

خلال المقال هنوضح أهم مواصفات ومميزات وعيوب الموبايل، ولو عجبك وحبيت تشتريه تقدر تعرف أحسن سعر ليه وتقدر كمان تطلبه من خلالنا وهيوصلك في أسرع وقت ممكن.

المواصفات

• الشاشة: 5.5 بوصة.
• المعالج: رباعي النواة.
• الذاكرة العشوائية: 1 جيجابايت.
• الكاميرا الخلفية: 5 ميجابكسل.
• الكاميرا الأمامية: 8 ميجابكسل.
• الذاكرة الداخلية: 8 جيجابايت.
• البطارية: 4000 مللي أمبير.
• نظام التشغيل: أندرويد أوريو.

وصف الموبايل

• شاشة الموبايل بتيجي بأبعاد القديمة، وفوقها مباشرة هتلاقي سماعة المكالمات ومستشعرات الموبايل وكمان كاميرا أمامية محلقة بفلاش LED.
• الواجهة الخلفية بتضم الكاميرا الخلفية الملحقة بفلاش LED ودول بيكونوا جايين بالعرض في أعلى اليسار، وفي منتصف الجزء العلوي من الظهر هتلاقي مستشعر بصمة الإصبع وتحته مباشرة شعار Tecno، أما في آخر يسار الظهر هتلاقي السماعة الخارجية للموبايل.
• الجانب الأيمن بيضم زرار الباور المخصص لقفل وفتح الموبايل والشاشة، بجانب زراري رفع وخفض مستوى الصوت.
• الجانب الأيسر بيضم منفذ لتركيب شريحتين اتصال وميموري خارجي.
• أسفل الموبايل هتلاقي منفذ USB وميكرفون المكالمات.
• أعلى الموبايل هتلاقي منفذ لتركيب سماعات الأذن الخارجية بمقاس 3.5 مم.

التصميم

المميزات

• هيكل الموبايل مصنوع من البلاستيك.
• أبعاد الموبايل: 153.7 × 72.4 × 9.5 مم.
• وزن الموبايل 144 جرام.

العيوب

• لا يوجد.

تجربة المستخدم

• تصميم الموبايل بسيط ومريح جدًا رغم أنه تقليدي ومش بيواكب التصميمات الحديثة على الإطلاق يعني على سبيل المثال هتلاقي أنه بيفتقر لوجود Notch وشاشته بتيجي بالأبعاد القديمة.

الشاشة

المميزات

• شاشة الموبايل IPS LCD كابستيف بحجم 5.5 بوصة وأبعاد 16:9 ودقة HD وجودة 540 × 960 بكسل وكثافة بكسلات 200 نقطة في البوصة.
• الشاشة مزودة بطبقة زجاجية مقاومة للخدش.
• الشاشة مزودة بتقنية اللمس المتعدد حتى 3 أصابع فقط، بجانب توافقها مع تقنية الـ 16 مليون لون.

العيوب

• الشاشة بتفتقر لوجود طبقة حماية إضافية لحمايتها من الكسر.

تجربة المستخدم

• شاشة الموبايل بتقدم أداء كويس نسبيًا ده لأنها بتتميز بحجم مناسب إلى حد ما ووضوح عالي للتفاصيل ودرجة سطوع كويسة نسبيًا تحت أشعة الشمس.

الأداء

المميزات

• الموبايل بيجي بنظام تشغيل أندرويد أوريو إصدار 8.1، مع معالج رباعي النواه من نوع Mediatek MT6580A بتردد 1.3 جيجاهرتز Cortex-A7، مع معالج رسوميات من نوع Mali-400MP2.
• الموبايل بيجي بـ 1 جيجابايت رام مع 8 جيجابايت للذاكرة الداخلية، ومع إمكانية إضافة ميموري خارجي بسعة تصل إلى 32 جيجابايت.
• الموبايل مزود بمستشعرات بصمة الإصبع والتسارع والتقارب.
• الموبايل بيدعم تشغيل موجات راديو FM.

العيوب

• الموبايل بيفتقر لتقنية التواصل قريب المدى NFC.
• الموبايل كش بيدعم شبكات الجيل الرابع.

تجربة المستخدم

• الموبايل بيقدم أداء كويس جدًا مع الاستخدامات الخفيفة فقط ولكنه بيعاني من بطء وتهنيج صريح مع الاستخدامات الكثيفة وده لأنه مزود بمعالج فئة اقتصادية وكمان سعة راماته قليلة.

الكاميرا

المميزات

• الكاميرا الخلفية أحادية العدسة بدقة 5 ميجابكسل مع فلاش LED، بجانب تدعيمها لخواص التصوير المتعددة وقدرتها على التقاط مقاطع فيديو بدقة 720 بكسل ومعدل 30 لقطة في الثانية.
• الكاميرا الأمامية دقتها 8 ميجابكسل مع فلاش LED.

العيوب

• لا يوجد.

تجربة المستخدم

• الكاميرا الخلفية قادرة على التقاط صور جودتها كويسة إلى حد ما في الإضاءة العالية ولكن الجودة دي بتقل بشكل ملحوظ كلما انخفضت درجة الإضاءة، وكذلك الحال مع الكاميرا الأمامية.

البطارية

المميزات

• بطارية الموبايل ليثيوم أيون بسعة 4000 مللي أمبير.

العيوب

• البطارية غير قابلة للإزالة إلا من خلال الوكيل أو شخص متخصص.
• البطارية بتفتقر لتقنيتي الشحن السريع والشحن اللاسلكي.

تجربة المستخدم

• البطارية بتقدم أداء كويس جدًا ده لأنها بتشتغل لحد يومين كاملين من الاستخدام الخفيف ولحد يوم من الاستخدام الكثيف.

ممكن تشوف موبايل Tecno POP 2 Power بسعر يبدأ من 1199 جنيه مصري تقريبًا، وممكن تعرف وتقارن أسعار الموبايل المختلفة من خلال موقع ياقوطة.

**نظام التشغيل الذي تم ذكره على أنه آخر الأنظمة التي تقبل بها الهواتف الذكية الواردة في المقال، هو النظام المذكور على الموقع الرسمي للشركة في الوقت الذي تم كتابة المقالة فيه، وبعض الهواتف الذكية قد تقبل الترقي للإصدارات الأحدث من أنظمة التشغيل.

**أسعار الهواتف الذكية الواردة في هذا المقال هي الأسعار المدرجة في المتاجر وقت نشر المقال، والأسعار متغيرة صعودًا وهبوطًا وفقًا لحركة الأسواق.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.