كتبت: منى عوض

هنقدملكم من خلال المقال ده تقييم شامل بيوضح أهم مواصفات ومميزات وعيوب موبايل iPhone 8 Plus، ولو عجبك وعايز تشتريه تقدر تعرف أحسن الأسعار ليه وتقارن بينهم وتقدر كمان تطلبه من خلال موقع ياقوطة وهيوصل لحد عندك في أسرع وقت.

المواصفات

وصف الموبايل

• الجهة الأمامية من الموبايل بتحتوي على الشاشة- بتحتل 67.4% من الواجهة الأمامية- وفوق الشاشة موجود الكاميرا الأمامية وسماعة المكالمات ومستشعر الضوء، أما أسفل الشاشة فهتلاقي زر القائمة الرئيسية مدمج به مستشعر بصمة الإصبع.
• الجهة الخلفية فيها الكاميرا الخلفية المزدوجة مع فلاش رباعي، وشعار التفاحة في نص ظهر الموبايل وكلمة iPhone في الجزء السفلي.
• الجهة اليمنى للموبايل فيها زرار الباور ومنفذ إدخال شريحة الاتصال.
• الجهة اليسرى فيها زرار الـ Switch لوضع الجهاز مباشرة على وضع الصامت وجنبه أزرار التحكم في مستوى الصوت.
• الجهة السلفية للموبايل بتحتوي على منفذ السماعات الخارجية والميكرفون المانع للضوضاء ومنفذ الـ USB.

التصميم

المميزات

• هيكل الموبايل زجاجي مقاوم لآثار البصمات ومقاوم للغبار والماء والإطار من الألمونيوم.
• أبعاد الموبايل: الطول 158.4 ملليمتر والعرض 76.1 ملليمتر والسمك 7.5 ملليمتر.
• وزن الموبايل: 202 جرام.
• ميكرفون مدمج لمنع الضوضاء.
• بيدعم مستشعر بصمة الإصبع.

العيوب

• وزن الموبايل تقيل نسبيًا وسمكه كبير إلى حد ما.
• مش بيدعم بصمة الوجه Face ID.
• مش مزود بلمبة إشعارات LED.

تجربة المستخدم

• تصميم الموبايل رائع جدًا وانسيابي وبيضفي عليه المظهر اللامع بفضل الظهر اللي مصنوع من الزجاج، وكمان من السهل التحكم في الموبايل بأيد واحدة على الرغم من حجمه الكبير ووزنه التقيل إلى حد ما.

الشاشة

المميزات

• شاشة الموبايل من النوع LCD IPS كابستيف بحجم 5.5 بوصة ودقة وضوح 1920 × 1080 بكسل وكثافة بكسلات 401 نقطة في البوصة، مع تقنية 3D Touch وطبقة حماية إضافية ضد الخدش أو الكسر.
• خاصية اللمس المتعدد.
• خاصية الـ 16 مليون لون.

العيوب

• لا يوجد.

تجربة المستخدم

• الشاشة بتتميز بألوان رائعة مفعمة بالحيوية ووضوح أكثر من رائع وبتوفر درجة تباين للألوان في مختلف درجات الإضاءة عشان تقدم تجربة مشاهدة ممتازة.

الأداء

المميزات

• نظام تشغيل الموبايل هو iOS 11.
• مزود بمعالج سدادسي النواة من النوع Apple A11 Bionic، مع معالج رسومي من نوع Apple GPU، و3 جيجابايت رام.
• الموبايل متوافر بإصدارين من الذاكرة الداخلية، واحد بسعة 64 جيجابايت، أما التاني بسعة 256 جيجابايت.
• تقنية الـ OTG اللي بتقدر تشغلك فلاش ميموري على الموبايل.
• تقنية الـ NFC اللي بتساعد في تبادل البيانات في نطاق ضيق جدا.
• بيدعم وجود مستشعرات البصمة والتسارع والدوران والقرب والبوصلة والبارومتر.
• نظام تحديد المواقع GPRS و GPS.
• بيوفر عدة طرق للاتصال بين الأجهزة، وهي البلوتوث إصدار 5.0 مع A2DP وLE، وكمان الـ Wi-Fi ومنفذ USB 3.0.
• شريحة اتصال واحدة من نوع SIM Nano بيدعم شبكات الجيل الثاني والثالث والرابع.

العيوب

• مفيهوش راديو FM.
• مش بيدعم الـ Java.
• مفيهوش منفذ مخصص لإضافة كارت ميموري خارجي.
• مش بيدعم وجود منفذ سماعات 3.5 مم.

تجربة المستخدم

• الموبايل بيقدم أفضل تجربة على الإطلاق فأدائه سريع وسلس جدًا ومش هتعاني معاه من أي مشكلة أو تهنيج خلال الاستخدام المعتاد أو خلال تشغيل التطبيقات أو الألعاب التقيلة.

الكاميرا

المميزات

• الكاميرا الخلفية مزدوجة بدقة 12 ميجابكسل مع فلاش LED رباعي، والكاميرا الأولى فتحة عدستها f/1.8 أما الكاميرا التانية ففتحة العدسة بتاعتها f/2.8.
• الكاميرا الخلفية بتدعم خواص التصوير المتعددة زي خاصية التركيز التلقائي وخاصية المثبت البصري OIS وتحديد الوجه ووضع العلامات الجغرافية وتقنية التصوير بالمدى الديناميكي العالي HDR والتعرف على الوجه وضبط بؤرة العدسة والتصوير البانورامي.
• الكاميرا الخلفية بتدعم تصوير مقاطع فيديو بدقة 2160 بكسل وسرعة 24 أو 30 أو 60 لقطه في الثانية، وبجودة 1080 بكسل وسرعة 30 أو 60 أو 120 أو 240 لقطه في الثانية.
• الكاميرا الأمامية دقتها 7 ميجابكسل بفتحة عدسة F/2.2.
• الكاميرا الأمامية بتدعم خاصية HDR والكشف عن الوجه والبانوراما والعنونة الجغرافية، وكمان بتقدر تصور مقاطع فيديو بدقة 1080 بكسل بسرعة 30 لقطة في الثانية وبدقة 720 بكسل بسرعة 240 لقطة في الثانية.

العيوب

• الكاميرا الأمامية مفيهاش فلاش LED.

تجربة المستخدم

• الكاميرا بتقدم صور رائعة سواء في الإضاءة العالية أو المنخفضة، ولكن صور الكاميرا الأمامية بتنخفض جودتها كل ما بتخفض درجة الإضاءة.

البطارية

المميزات

• بطارية ليثيوم أيون بسعة 2691 مللي أمبير في الثانية.
• بتدعم خاصيتي الشحن السريع والشحن اللاسلكي.

العيوب

• البطارية غير قابلة للإزالة.

تجربة المستخدم

• البطارية بتستمر لحد 21 ساعة متواصلة من إجراء المكالمات و60 ساعة من سماع الموسيقي المختلفة، وكمان بتقدر تشحن لحد 50% من طاقتها في 30 دقيقة بس بفضل تدعيمها لخاصية الشحن السريع.

شوف موبايل iphone 8 Plus  من هنا.