كتبت: منى عوض

كل شركة من شركات الهواتف المحمولة عندها سلسلة مميزة من الهواتف المحمولة، يعني مثلًا شركة هواوي معروفة بسلسلة الـ Mate وسلسلة الـ P، وعشان ياقوطة مميزة دايمًا قررت أنها تتكلم عن واحد من الهواتف المحمولة المميزة اللي بتنتمي لسلسلة الـ P، وهو هاتف Huawei P30 Pro.

خلال المقال هنوضح لحضراتكم أهم مواصفات ومميزات وعيوب الموبايل، ولو عجبك وحبيت تعرف تفاصيل أكتر عنه، تقدر تعرف كل اللي أنت عايزه وتقدر كمان تطلبه من خلال موقعنا وهيوصل لحد عندك في أسرع وقت.

المواصفات

• الشاشة: 6.47 بوصة.
• المعالج: ثماني النواة.
• الذاكرة العشوائية: 8 جيجابايت.
• الكاميرا الخلفية: 40 + 20 + 8 + TOF 3D ميجابكسل “رباعية العدسة”.
• الكاميرا الأمامية: 32 ميجابكسل.
• الذاكرة الداخلية: 128 / 256 / 512 جيجابايت.
• البطارية: 4200 مللي أمبير.
• نظام التشغيل: أندرويد باي.

وصف الموبايل

• الواجهة الأمامية للموبايل بتحتوي معظمها على الشاشة وأعلى الشاشة هتلاقي Notch صغير جدًا على شكل قطرة المياه، اللي بدوره بيضم الكاميرا الأمامية وفوق الـ Notch هتلاقي سماعة المكالمات ومستشعرات الموبايل، أما مستشعر بصمة الإصبع فهتلاقي أنه مدمج في الجزء السفلي من شاشة الموبايل.
• الجهة الخلفية للموبايل بتضم الكاميرا الخلفية الرباعية العدسة والملحقة بفلاش LED ودول بيكونوا موجودين أعلى يسار الظهر، وأسفل الكاميرا هتلاقي شعار الكاميرا الرباعية Leica، أما شعار Huawei فبيكون موجود في الجانب الأيسر في آخر ضهر الموبايل.
• الجانب الأيمن للموبايل بيضم زرار الباور وزراري رفع وخفض مستوى الصوت.
• الجزء السفلي من الموبايل بيضم منفذ USB والسماعات الخارجية للموبايل وميكرفون الموبايل، وكمان منفذ مخصص لتركيب شريحتين اتصال أو شريحة اتصال وميموري خارجي.

التصميم

المميزات

• هيكل الموبايل مصنوع بالكامل من الزجاج فيما عدا الإطار فهو معدني.
• أبعاد الموبايل: 158 ×73.4 × 8.4 مم.
• الموبايل حاصل على معيار IP68 اللي بيدل على أن الموبايل مقاوم للأتربة والماء لمسافة تصل إلي 2 متر ولمدة تصل إلى 30 دقيقة.

العيوب

• وزن الموبايل تقيل لأنه بيصل إلى 192 جرام.

تجربة المستخدم

• الموبايل بيتميز بتصميم عصري ووهمي جدًا جدًا وبيتميز بتدرج رائع للألوان وماسكة مريحة بين أصابع الأيد.

الشاشة

المميزات

• شاشة الموبايل OLED كابستيف بحجم 6.47 بوصة وأبعاد 19.5:9، ودقة FHD+ ودرجة وضوح 2340 × 1080 بكسل وكثافة بكسلات 398 نقطة للبوصة.
• الشاشة مزودة بتقنية اللمس المتعدد المناسبة لهواة الألعاب.
• الشاشة متوافقة مع تقنية الـ 16 مليون لون اللي بتساعد في دمج الألوان وظهورها بشكل رائع على الشاشة.

العيوب

• الشاشة مش مزودة بطبقة حماية إضافية ضد الكسر والخدش.

تجربة المستخدم

• شاشة الموبايل بتقدم أداء كويس جدًا خاصة بالنسبة لمحبي مشاهدة الفيديوهات والأفلام ولعب الألعاب والقراءة على الموبايل، ده لأنها بتتميز بحجم كبير ومناسب وزوايا رؤية جيدة وكمان درجة سطوع مقبولة إلى حد كبير تحت أشعة الشمس.

الأداء

المميزات

• الموبايل بيجي بنظام تشغيل أندرويد باي إصدار 9.0 مع واجهة تشغيل HDR10.
• الموبايل مزود بمعالج ثماني النواه من نوع HiSilicon Kirin 980 بتقنية 7 نانوميتر، والمعالج ده مقسم إلى ثلاث وحدات، الأولى رباعية النواه بتردد 1.8 جيجاهرتز والتانية ثنائية النواه بتردد 2.6 جيجاهرتز والثالثة ثنائية النواه بتردد 1.92 جيجاهرتز، مع معالج رسومي Mali-G76 MP10.
• الموبايل بيجي بـ  8 جيجابايت رام مع 128 أو 256 أو 512 جيجابايت للذاكرة الداخلية، مع إمكانية إضافة ميموري خارجي بسعة تصل إلى 256 جيجابايت في مكان منفذ الشريحة الثانية.
• الموبايل مزود بالعديد من المستشعرات زي مستشعر الضوء المحيط والجيرسكوب والتسارع والتقارب والبوصلة والجاذبية، بجانب بصمتي الإصبع والوجه اللي بيتم استخدامهما كنظام أمان للموبايل.
• الموبايل مزود بتقنية التواصل قريب المدى NFC.
• الموبايل مزود بتقنية أسمها OneHop اللي بتسمح بإرسال الصور ومقاطع الفيديو والمستندات إلى الكمبيوتر في ثواني معدودة.

العيوب

• الموبايل مش بيسمح على الإطلاق بتشغيل شريحتين اتصال مع ميموري خارجي في نفس الوقت.
• الموبايل بيفتقر لوجود منفذ لتركيب سماعات الأذن الخارجية بمقاس 3.5 مم.
• الموبايل بيفتقر لوجود راديو FM.

تجربة المستخدم

• أداء الموبايل مميز جدًا في الاستخدامات المختلفة، بداية من تصفح شبكات الإنترنت والتنقل بين التطبيقات وفتح أكتر من تطبيق في نفس الوقت وحتى لعب الألعاب الخفيفة وذات الجرافيك العالي، بدون مواجهة أي مشاكل خلال الاستخدام.

الكاميرا

المميزات

• الكاميرا الخلفية للموبايل رباعية العدسة بدقة 40 ميجابكسل مع فتحة عدسة f/1.6 ودقة 20 ميجابكسل مع فتحة عدسة f/2.2 ودقة 8 ميجابكسل مع فتحة عدسة f/3.4، أما العدسة الرابعة فهي خاصة باستشعار عمق الصورة.
• الكاميرا الخلفية مزودة بفلاش LED مزدوج لتحسين جودة الصور الملتقطة في الإضاءة المنخفضة، وكمان بتتميز بتدعيمها لخواص التصوير المتعددة زي التثبيت البصري للصورة والذكاء الاصطناعي والتصوير البانورامي والكشف التلقائي لضبط بؤرة العدسة، بجانب القدرة على تصوير مقاطع فيديو بدقة 2160 بكسل و 1080 بكسل و 720 بكسل.
• الكاميرا الأمامية للموبايل دقتها 32 ميجابكسل مع فتحة عدسة f/2.0.

العيوب

• لا يوجد.

تجربة المستخدم

• كاميرات الموبايل بتقدم أداء متميز فهي قادرة على التقاط صور بجودة عالية وتفاصيل واضحة ودقة عالية للألوان في مختلف درجات الإضاءة.

البطارية

المميزات

• بطارية الموبايل ليثيوم أيون بسعة 4200 مللي أمبير في الثانية.
• البطارية مزودة بتقنيتي الشحن السريع بقوة 40 وات والشحن اللاسلكي بقوة 15 وات.
• الموبايل مزود بتقنية الشحن العكسي للبطارية ودي تقنية بتساعد الموبايل في لعب دور باور بانك قادر على شحن الهواتف الأخرى.

العيوب

• البطارية غير قابلة للإزالة.

تجربة المستخدم

• بطارية الموبايل بتقدر تقدم أداء كويس لفترة طويلة يعني من الآخر هتقدر تستخدم الموبايل بشكل خفيف ومتوسط لحد يومين تقريبًا ولمدة تزيد عن يوم في حالة الاستخدامات الكثيفة.

ممكن تشوف موبايل Huawei P30 Pro بسعر يبدأ من 18.800 جنيه مصري تقريبًا، وممكن تعرف وتقارن أسعار الموبايل المختلفة من خلال موقع ياقوطة.

**نظام التشغيل الذي تم ذكره على أنه آخر الأنظمة التي تقبل بها الهواتف الذكية الواردة في المقال، هو النظام المذكور على الموقع الرسمي للشركة في الوقت الذي تم كتابة المقالة فيه، وبعض الهواتف الذكية قد تقبل الترقي للإصدارات الأحدث من أنظمة التشغيل.

**أسعار الهواتف الذكية الواردة في هذا المقال هي الأسعار المدرجة في المتاجر وقت نشر المقال، والأسعار متغيرة صعودًا وهبوطًا وفقًا لحركة الأسواق.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.